Rannsóknastofnun í hjúkrunarfræði- RSH

Rannsóknastofnun í hjúkrunarfræði er vettvangur rannsókna- og þróunarstarfs á fræðasviðum hjúkrunar- og ljósmóðurfræði. Stofnunin heyrir undir hjúkrunarfræðideild og er starfrækt við Háskóla Íslands. Eitt af hlutverkum RSH er að gera rannsóknir í hjúkrunar- og ljósmóðurfræðum sýnilegar. Á heimasíðu stofunarinnar má lesa um helstu rannsóknir sem eru í gangi við deildina og skoða yfirlit yfir birtar rannsóknir. 

Rannsóknastofnun í hjúkrunarfræði skipuleggur einnig fyrirlestra, málstofur og málþing tengd rannsóknum í hjúkrunar- og ljósmóðurfræðum. Viðburðadagskrá er birt á heimasíðunni. Stofnunin gefur einnig út fréttabréf um rannsóknir í hjúkrunar- og ljósmóðurfræðum. Hægt er að skrá sig á póstlista RSH með því að senda tölvupóst á margbjo@hi.is